د افغانستان د کرنیزو علومو او تکنالوژۍ ملي پوهنتون

 

دافغانستان دکرنیزوعلومو او تکنالوژۍ ملي پوهنتون درئيس او پوهنتون پیژندنه

نوم : دکتور خال محمد (احمدزی)

د پلارنوم :  حبیب الرحمن

د زوکړی نیټه : ۱۳۶۳

د زوکړی ځای :د تخار ولایت په ینګی قلعه ولسوالي کي زېږېدلی دی.

تماس شماره:0093783831318

زده کړی: خپلي لمړنۍ زده کړي یې د تخار ولایت په ینګی قلعه لیسه کی ترسره کړي دی او په (۱۳۸۷)کال کي د کابل پوهنتون د کرني پوهنځی د کرنیز اقتصاد له څانګي څخه فارغ سویدی، نوموړی د لیسانس د دورې وروسته په کابل پوهنتون د کرنی پوهنځی د کرنیز اقتصاد په څانګه کي استاد او ور سره د یادي څانګي کی د آمر په حیث دنده تر سره کړې ده، په کال(۱۳۸۷)کی جاپان هیواد ته د MEXT سکالرشیپ د پروګرام له لاری د ماسټرۍ او دوکتورا زده کړو چانس ترلاسه کړ، د ماسټرۍ او دوکتورا زده کړی یی دواړه د جاپان په یوه معتبر پوهنتون Tokyo University of Agriculture and Technology (TUAT) کي ترلاسه کړي.

په(۱۳۹۳)کال کي خپل هیواد ته راستون او خپلی وظیفې ته یې د تیر په څیر د استاد په حیث ادامه ورکړه، په همدې موده کي یې له بیلابیلو خارجي موسساتو سره د مشاور په توګه دنده ترسره کړې ده او په(۱۳۹۵)کال کي د لوړو زده کړو وزارت د لزوم دید او پیشنهاد په اساس د ولسمشر په تاییدۍ باندي د همدی پوهنتون د رئیس په توګه ورته دا مسولیت وسپارل سو،د یادوني وړده چه ښاغلی ډاکتر احمدزی پداسي وخت کي ددې پوهنتون د رئیس په توګه دنده پیل کړه چه یاده اداره څو کال پرلپسې د سرپرست رئیسانو لخوا پرمخ بیول کیدی یاد پوهنتون(۱۳۹۶)کال کي تحصیلي بورسونه ترلاسه کړیدي، چه نه یواځي ددې پوهنتون بلکه د کندهار پوهنتون زیات شمیر استادان هم ددې بورسونو له لاری نورو هیوادونو ته د زده کړو لپاره استول شویدي.


د پوهنتون لنډه پیژندنه

دافغانستان دکرنیزوعلومو او تکنالوژی ملي پوهنتون چه په(۱۳۹۲/۱۱/۲۵)نیټه دیولړ مراسیمو په ترڅ کي دپخواني ولسمشر حامد کرزي، دهندوستان هیواد دبهرنیوچارو  مخکینی  وزیر ښاغلی سلمان خورشید او دلوړو زده کړو پخواني وزیرښاغلي عبیدالله عبید لخوا په رسمی توګه دکندهار ولایت دترنک دفارم په ساحه کي افتتاح شو.

نوموړی پوهنتون دافغانستان دملي پراختیایي ستراتیژۍ پراساس دلوړو زده کړو وزارت په چوکاټ کي ایجاد شو، د پوهنتون د ایجاد اساسي موخه هیواد غذایي بسایني یا خوندیتوب ته رسول او هغه لسانس فارغان چه د هیواد د بیلابیلو پوهنتونونو څخه فراغت ترلاسه کوي د ماسټرۍ او په پای کی د دوکتورا د زده کړو زمینه برابرول، ترڅو د زرعت او مالدارۍ مسلکي کادرونو او علمي کچه لوړه او په هیواد کي د اساسي کرنیزو خدماتو د وړاندي کولو لپاره په اغیزمنه توګه د کار کولو وړتیا پیدا کړو، او پدی سکتور کي موجوده ستونزي کمي او د هیواد د غذایي بسایني او د متوازن پرمختګ سبب شي.

د پوهنتون موسس او لمړنی رئیس ښاغلی پوهاند ډاکتر توریالی ویسا وو، چه د ریاست پرمهال یې پوهنتون ګڼی لاسته راوړنی لرلې، تر هغه وروسته ددې پوهنتون اداره د ښاغلی روښان ولسمل، ښاغلی عبدالرشید حکیمي او ښاغلی ډاکتر حضرت میر توتاخیل لخوا د سرپرست رئیسانو په ډول مخته یووړل سوه، چه بالاخره په (۱۳۹۵)کال کي ښاغلی پوهندوی ډاکتر خال محمد احمدزی ددې پوهنتون د رئیس په توګه دا مسولیت واخیست چه تر دې مهاله ښاغلی ډاکتر احمدزی ددې ادارې د ریاست چاري پرمخ وړي. 

لرلید

Ø  د افغانستان د کرنیزو علومو او ټکنالوژۍ ملي پوهنتون هیله مند دی چه په راتلونکي کي کرني او مالدلرۍ د لوړو زده کړو په برخه کی د رهبرۍ درلودونکی او په سیمه کی ښه او معتبر پوهنتون وپیژندل سي.

Ø  د افغانستان د کرنیزو علومو او تکنالوژۍ ملي پوهنتون به په راتلونکي کي داسي علمي کادرونه جامعی ته وړاندي کوي چه وکولی سی د خلکو غوښتني پوره او په پوهنتون باندی د ټولني د باور کچه لوړه کړی.

رسالت

Ø  د افغانستان د کرنیزو علومو او ټکنالوژۍ ملي پوهنتون درې اساسی کاري برخي لري: تحصیل، تحقیق او ترویج

Ø  د افغانستان د کرنیزو علومو او ټکنالوژۍ ملي پوهنتون د ماسټرۍ او دوکتورا په کچه د لوړو زده کړو پروګرامونه پرمخ وړي.

Ø  د علمي او اداري کار کوونکو د ظرفیت لوړونه ترڅو په راتلونکي کي د بهتره خدماتو د وړاندي کولو وړتیا ولري.

Ø  د کرنیزو تحقیقاتو ترسره کول ترڅو ستونزي تشخیص او د حل لاري یی وپلټل سي او په پای کي د کرنیزو محصولاتو د کمیت او کیفیت د ښه والي لامل سي.

Ø  مونږ په ټول توان سره ددولتي او غیر دولتي نهادونو سره له نژدې کار کوو ترڅو د کرني، مالدارۍ او کلیوالي پراختیا په برخه کی اغیزمني طرحي او پالیسۍ جوړي سي ترڅو د کرني د سکتور د ښه والي لامل سي.

قوی ټکي

Ø  د هیواد او پوهنتون د ښې راتلونکي لپاره ژمن او ځوان پرسونل

Ø  په پراخه پیمانه د هیواد دننه او بهر له پوهنتونونو او نورو غیر دولتی نهادنو سره د همکارۍ تفاهمنامې

Ø  د هند هیواد څخه په کافي اندازه د تخنیکي او اکاډمیکو همکاریو ترلاسه کولو امکانات

Ø  د عملی زده کړو هر اړخیز امکانات(demo farm, laboratory and research farm)

Ø  د پوهنتون د پراختیا لپاره د پراخي ساحې شتون

Ø  د اوبخور لپاره د ظاهرشاهی کانال موجودیت

Ø  د هند هیواد د زراعت د مرکزي پوهنتون یا IARI څخه د هر اړخیزو مرستو ترلاسه کول او تفاهم لیک.

امکانات

Ø  د(۵۰۰۰) جریبه یا (۱۰۰۰)هکتاره په اندازه د پراخي استفادې وړ ځمکي موجودیت

Ø  په هیواد دننه او بهر د مختلفو پوهنتونونو او ادارو سره د همکارۍ تفاههمنامو لاسلیک او له دي لاري د زیاتو امکانااتو ترلاسه کول

Ø  د ماسټرۍ او دوکتورا د ترلاسه کولو لپاره د ځوانانو زیاته لیوالتیا

Ø  د لوړو زده کړو محترم مقام او د کندهار ولایت له مقام سره د ښو اړیکو او همکارۍ فضا ښتون

Ø  د HEDP او USWDP څخه د امکاناتو د ترلاسه کولو شونتیا

Ø  د خصوصي سکتور سره د همکاریو او اړیکو ساتنه.

دشمولیت پروسه

سند یا د افغانستان د کرنیزو علومو او ټکنالوژۍ ملي پوهنتون ته د شمولیت پروسه کاملا شفافه او هر اړخیزه ده، پدې پوهنتون کي د محصلینو د جذب په موخه لمړی د لوړو زده کړو وزارت په رسمي ویبسایټ کی اعلان ته سپارل کیږي، هغه کسان چه په معیار برابر وي کولی شي د لوړو زده کړو په وزارت یا هم په همدی پوهنتون کی د امتحان په موخه نوم لیکنه وکړي، وروسته د یوې کمیټې لخوا ټول اسناد ارزول کیږي او هغه کسان چه اسناد یی په اعلان کی د ذکر شویو شرایطو سره برابر وی شارټ لیست کیږي او د امتحان لپاره نیټه اعلانیږي، د یادوني وړ ده چه د نتایجو د لا ډیر شفافیت په موخه د یاد پوهنتون او کندهار پوهنتون ګډه کمیټه دغه امتحان اخلي او نتایج یی د مهال ویش سره سم اعلانوي.

سند یا Degree

دا پوهنتون تر دې دمه یواځي د ماسټرۍ تر کچي پوری د زده کړو پروګرامونه پرمخ وړي او د لازمو شرایطو له پوره کیدو وروسته به د دوکتورا پروګرامونه هم په نژدې راتلونکي کي پیل کړي.

اوسمهال د لاندي دوه پوهنځی د څلورو بیلابیلو څانګو کي د ماسټرۍ پروګرامونه جریان لري او سند یې د ماسټرۍ اعتبار لري، د یادوني وړ ده چه د کرنیز اقتصاد پوهنځی به هم په نژدې راتلونکي کي ایجاد او د ماسټرۍ پروګرام به پکښي پیل سي