مرستیال والي د خلګو د ستونزو او غوښتنو اورېدلو په موخه میوند ولسوالۍ ته سفر وکړ .

د خپرېدو نېټه: Aug 07, 2018

د پاى نېټه: Aug 15, 2018

د مزايده سند: Download Document



جزیات:


په هغه غونډه کي د مرستیال والي ترڅنګ د میوند ولسوالۍ ولسوال، د ژېړۍ او میوند ولسوالیو امنیه قوماندانانو او قومي مشرانو هم ګډون کړي وو .
هغوی د روغتيا، پوهني، اوبو، زراعت او پرمختيايي چارو اړوند ستونزي له مرستيال والي سره شريکي کړې چي لويه ستونزه يې دڅښاک لپاره دپاکو اوبو نشتوالي وو؛ د هغه ځای د اوسېدونکو په خبره د يادي ستونزي له وجې يو شمېر ناوسه کورنۍ د سيمي پرېښودلو ته اړي سوي دي .
مرستيال والي عبدالحنان منيب د دوی ستونزي پرځاي وبللې او هغوی ته يې د حل ډاډ ورکړ، هغه وويل ولايتي اداره هڅه کوي چي ښار او ولسوالۍ د وچکالۍ څخه وژغوري او په دې برخه کي يې ځانګړي پلانونه پر کار اچولي چي د دغو پلانونو په واسطه سره به يادي ستونزي ته د پای ټکی کښېږدي .
ښاغلي منيب وويل : د یادو ولسوالیو دځوانانو لپاره به د ورزش زمينه برابره کړو، بې تعميره ښوونځيو ته به د مځکوالي ادارې له لاري مځکي ورکړو او د دغو ولسواليو مشرانو ته يې ډاډ ورکړ چي د امکان تر حده به د زراعت، روغتيا او په نورو اړينو برخو کي پرتو ستونزو ته حل پيدا کړي .
په وروستيو کي مرستیال والي د میوند ولسوالۍ د زراعت ریاست له هغه ودانۍ څخه ليدنه وکړه چي د چادوني پرمهال یې ځینو برخو ته زیان رسیدلی وو او د ترمیم په موخه يې د هغه ځای اوسېدونکو ته ډاډ ورکړ .
د ولايت مقام مطبوعاتي دفتر